Us Achlum (melodie uit “Frysk Lieteboek nr.3 “It Heitelân”)
Dêr ’t de griene greiden blomkje
Tusken Harns en Arum yn
Dêr leit jimmer ’t âlde doarpke
Frij en rom yn sinneskyn
Dêr ’t fee sa freedsum weidet
Simmers oan é buorren ta
Dêr leit Achlum, ’t âlde doarpke
Dêr ’t w’as bern al boarte ha (2x)
Dêr ’t de tsjerke jin fan fieren
Wiest ’t paad nei’t âlde plak
Dêr ’t de âlde toer wat skruten
Utstekt boppe mannich dak
Dêr’t it lieden fan ‘e klokken
Oeren fier fertelt yn’t rûn
Dêr leit Achlum, ’t âlde doarpke
Wij hawwe yn dy sa’n freonskip fûn (2x)
Dêr’t de markels en ‘e einen
Swimme tusken ’t griene reid
Dêr’t de dauwe simmerjûns sa
Drógjend oer ‘e fjilden leit
Dêr’t winters rêde skonken
Skreppe op it glêde iis
Dêr leit Achlum, ’t âlde doarpke
Wij binne dochs mei dy sa wiis (2x)
Dit gedicht is geschreven door meester Jonkman van de Rehoboth school.